泥水妹（词/张少林）
（独白）讲起泥水妹，真系么得顶，又做得，又涯得，那，那，那，那，惹兜看a只阿平妹呀，个日风吹日晒，十几重楼也杰上杰落，矛的晓狂，还有阿牛嫂，做泥水都做系十几年，今吓佢两只赖子都讲检到奖学金出去伦敦读大学，哎，都系阿牛嫂一年到暗做泥水来供爱赖子读书，所以讲做三行，都系有出头个日子个。
（唱）对面个泥水妹giegie(赶快)担灰来，阿哥叠砖，妹来帮，高高个木架也担紧上，日晒来流汗，佢话么相干，十几重楼区都唔晓狂，寻食系爱讲狼，大家讲泥水妹，只只都有天才，捞石屎，又晓塘灰，有阵也会钉楼梯，介砖同磨石，打拉梭佢也会，石屎模板也帮手抬，泥水妹系天才。
（独白）阿玉妹阿平妹，同涯担的灰来，（女）来罗来罗，（男）阿燕，做末野你甘懒呀，帮雅罗砖来，（女）又罗砖啊，重到死，都唔来帮手。
（唱）对面个泥水妹giegie(赶快)担灰来，阿哥叠砖，妹来帮，高高个木架也担紧上，日晒来流汗，佢话么相干，十几重楼区都唔晓狂，寻食系爱讲狼，大家讲泥水妹，只只都有天才，捞石屎，又晓塘灰，有阵也会钉楼梯，介砖同磨石，打拉梭佢也会，石屎模板也帮手抬，泥水妹系天才，只只人赞系天才。
